മുത്തുപോലെ വെളുത്ത പല്ലുകളാണ് ആരോഗ്യവും ഉറപ്പുമുള്ള പല്ലുകളെന്നാണോ നിങ്ങളുടെ ധാരണ? വാസ്തവത്തിൽ ആരോഗ്യമുള്ള പല്ലുകളുടെ നിറം മുത്തുപോലെ വെളുത്തിട്ടല്ല, മറിച്ച് അവയുടെ നിറം കുറേക്കൂടി ഇരുണ്ടിട്ടുള്ള നേരിയ ചാരനിറമോ മഞ്ഞനിറമോ ആണ്. പല്ലിന്റെ ഇനാമലിന് പ്രകൃതിദത്തമായി നീലകലർന്ന വെളുപ്പാണ്, എങ്കിലും പല്ലുകളുടെ അഗ്രത്തോട് ചേർന്ന് അവ സുതാര്യമായാണ് കാണപ്പെടുന്നത്. അതുകൊണ്ട് തന്നെ ഇനാമലിന്റെ അകത്തുള്ള കട്ടിയുള്ള അസ്ഥികലകൾ പുറമേക്ക് അല്പം മഞ്ഞയായിട്ടാണ് കാണാനാകുക, അല്ലാതെ തൂവെള്ള നിറത്തിലല്ല.
നിങ്ങളുടെ പല്ലുകൾക്ക് മഞ്ഞനിറം വളരെകൂടുതലാണെങ്കിൽ അതിനു കാരണം പുകവലിയോ, വളരെ അപൂർവമായി മാത്രം ദഹനവ്യവസ്ഥയിലെ ക്രമക്കേടുകളോ ആവാം. ഇനാമലിനു മുകളിലെ പാളിയിൽ ബ്ലീച്ചിങ്ങും പോളിഷും ചെയ്ത് ഇത് പരിഹരിക്കാവുന്നതാണ്. എന്നാൽ ഈ രണ്ടു പ്രക്രിയകളും പല്ലുകളെ ദുർബലപ്പെടുത്തുമെന്നത് മറക്കരുത്.